ശബരിമല മകരവിളക്ക് മഹോത്സവം നാളെ; ഒരുക്കങ്ങൾ പൂർത്തിയായി
ശബരിമല മകരവിളക്ക് മഹോത്സവം നാളെ. കൂടുതൽ തീർത്ഥാടകരെത്തുന്നത് മുന്നിൽ കണ്ട് വൻ സുരക്ഷാ ക്രമീകരണങ്ങളാണ് സന്നിധാനത്ത് ഒരുക്കിയിരിക്കുന്നത്. മകരസംക്രമ പൂജയ്ക്ക് മുന്നോടിയായുള്ള ശുദ്ധി ക്രിയകൾ ഇന്ന് പൂർത്തിയാകും. കോവിഡ് പ്രതിസന്ധി കണക്കിലെടുത്ത് പർണശാലകൾ കെട്ടാൻ ഇത്തവണയും അനുമതിയില്ലെങ്കിലും മകരജോതി ദർശനത്തിനായി ശബരിമലയിലേക്ക് ഒഴുകിയെത്തുകയാണ് അയ്യപ്പന്മാർ. എരുമേലിയിൽ നിന്നും പേട്ടതുള്ളിയെത്തിയ അമ്പലപ്പുഴ - ആലങ്ങാട്ട് സംഘങ്ങളുടെ പമ്പാ സദ്യ ഇന്ന് നടക്കും. വൈകിട്ട് പമ്പാ വിളക്കിന് ശേഷമാവും ഇരു സംഘങ്ങളും സന്നിധാനത്ത് എത്തുക.