സിപിഎം ആർക്കൊപ്പമെന്ന് പറയണം, ഇന്ത്യ മുന്നണിയെ ദുർബലപ്പെടുത്താനാണ് ശ്രമം- ചെന്നിത്തല
കോട്ടയം: ഇന്ത്യ മുന്നണിയെ ദുർബലപ്പെടുത്താനാണ് മുഖ്യമന്ത്രിയും സിപിഎമ്മും ശ്രമിക്കുന്നതെന്ന് രമേശ് ചെന്നിത്തല. സിപിഎം ആർക്കൊപ്പമെന്ന് പറയണമെന്നും ചെന്നിത്തല ആവശ്യപ്പെട്ടു. സി.പി.എം. - സി.പി.ഐ. നേതാക്കൾ ഭാരത് ജോഡോ യാത്രയുടെ സമാപനത്തിന് എത്താത്തത് പിണറായിയുടെ സമ്മർദ്ദ ഫലമായിട്ടാണ്. ബി.ജെ.പിയുടെ ബി ടീമായി സി.പി.എം. പ്രവർത്തിക്കുന്നു.
മുഖ്യമന്ത്രിയ്ക്കും കുടുംബത്തിനുമെതിരായ കേസുകൾ ഒതുക്കി കൊടുത്താണ് എൽഡിഎഫ് കൺവീനറുടെ ബിജെപി പുകഴ്ത്തൽ. നാല് ബിജെപി സ്ഥാനാർഥികൾ മികച്ചതാണെന്ന ഇ.പിയുടെ വാക്കുകൾ കൃത്യമായ ആസൂത്രണത്തോടെ- ചെന്നിത്തല പറഞ്ഞു.
