ഓപ്പറേഷന് തൂഫാൻ: 50 പേര് കൂടി അറസ്റ്റിൽ
ഓപ്പറേഷന് തൂഫാന്റെ ഭാഗമായി സംസ്ഥാന വ്യാപകമായി നടത്തിയ പരിശോധനയില് ഇതുവരെ 10663 പേര് അറസ്റ്റിലായി. ഞായറാഴ്ച 41 കേസുകളിലായി 50 പേര് കൂടി അറസ്റ്റിലായതോടെ ഓപ്പറേഷന് തൂഫാന്റെ ഭാഗമായി എടുത്ത കേസുകളുടെ എണ്ണം 9880 ആയി ഉയര്ന്നു. ഇതുവരെ 21373.901 ഗ്രാം എം.ഡി.എം.എയും 1126.889 കി.ഗ്രാം കഞ്ചാവും 523.927 ഗ്രാം ഹെറോയിനും പിടിച്ചെടുത്തിട്ടുണ്ട്. കഴിഞ്ഞ ദിവസം രജിസ്റ്റര് ചെയ്ത കേസുകളില് സ്മാള് ക്വാണ്ടിറ്റി കൈവശം വച്ചതിന് ഏഴ് കേസുകളും മീഡിയം ക്വാണ്ടിറ്റി കൈവശം വച്ചതിന് അഞ്ച് കേസുകളും 27 എന്.ഡി.പി.എസ് ആക്ട് പ്രകാരം 29 കേസുകളും കോട്പ പ്രകാരം 29 കേസുകളും രജിസ്റ്റര് ചെയ്തിട്ടുണ്ട്. ഇവരില് നിന്ന് 11.170 ഗ്രാം എം.ഡി.എം.എയും 16.193 കി.ഗ്രാം കഞ്ചാവും 0.1 ഗ്രാം ഹെറോയിനും പിടിച്ചെടുത്തു. ഓപ്പറേഷന് തൂഫാന്റെ ഭാഗമായി ഞായറാഴ്ച മാത്രം സംസ്ഥാനത്തുടനീളം കേരള പോലീസ് 11 ബോധവത്ക്കരണ ക്ലാസുകള് നടത്തി. ഇതുവരെ നടത്തിയ ആകെ ബോധവത്ക്കരണ ക്ലാസ്സുകളുടെ എണ്ണം 9399 ഉം കൗണ്സിലിങ്ങുകളുടെ എണ്ണം 613 ഉം ആണ്. സ്കൂള്, കോളേജ് പ്രൊട്ടക്ഷന് ഗ്രൂപ്പുകളുടെ നേതൃത്വത്തില് ആകെ 6649 ബോധവത്ക്കരണ പരിപാടികളും നടത്തി.
