അരിക്കൊമ്പൻ | കവിത | ഇടം
മാപ്പ്...... നിന്റെ വഴികൾകട്ടെടുത്ത് നിന്റെ തണലുകൾ വെട്ടി മാറ്റി.... കൂട്ടും കുടുംബവും പിന്നെ ബാല്യത്തിന്റെ ഓർമ്മകളും..... എല്ലാമെല്ലാം അന്യമാക്കി.... മറ്റൊരു ഇടത്തിലെ നിരീക്ഷണ കൂട്ടിലേക്ക്.... കനിവേതും ഇല്ലാതെ കടത്തിവിട്ടകാലത്തിന്റെ നീതികേടിനു മാപ്പ്..... ഇരുകാലി മൃഗങ്ങളുടെ സ്വജനപക്ഷ പാതത്തിന് വിലയായ് നിന്റെ ജീവന്റെ ഭാഗമായൊരാ കാനനം തന്നെ കയ്യിലാക്കി കനിവിന്റെ ഒരുതുള്ളി ബാക്കിയാക്കാതെ നാടുകടത്തി വിട്ടൊരു ദയാരാഹിത്യത്തിന്... മാപ്പ്..... ഇനിയെങ്കിലും ഓടിയൊളിക്കുക ഹൃദയമില്ലാത്ത ഇരുകാലി മൃഗങ്ങൾക്കിടയിൽ നിന്ന്..... കാടിന്റെ ഹൃദയങ്ങളിലേക്ക് നിന്റെ കാവലിൽ കാടുറങ്ങട്ടെ ❤️ ✎ ചൈതന്യ സുധീർ കൊടക്കാട്ട്പറമ്പിൽ വിളയൂർ
