നവകേരളം സിറ്റിസണ് റെസ്പോണ്സ് പ്രോഗ്രാം: കര്മ്മ സേനാംഗങ്ങള്ക്കുള്ള പരിശീലന പരിപാടി നടന്നു
നെന്മാറ നിയോജക മണ്ഡലം നവകേരളം സിറ്റിസണ് റെസ്പോണ്സ് പ്രോഗ്രാം കര്മ്മസേനാംഗങ്ങള്ക്കുള്ള ദ്വിദിന പരിശീലനം കൊല്ലങ്കോട് ഗ്രാമപഞ്ചായത്ത് കമ്മ്യൂണിറ്റി ഹാളില് നടന്നു. രണ്ട് ദിവസങ്ങളിലായി കൊല്ലങ്കോട്, വടവന്നൂര് ഗ്രാമപഞ്ചായത്തുകളിലെ കര്മ്മ സേനാംഗങ്ങള്ക്കുള്ള പരിശീലനമാണ് നടന്നത്.
ജനങ്ങളില് നിന്ന് വികസന നിര്ദ്ദേശങ്ങളും ക്ഷേമ പദ്ധതികള് സംബന്ധിച്ച അഭിപ്രായങ്ങളും ആശയങ്ങളും ലഭ്യമാക്കുന്നതിനും പ്രാദേശികമായി വികസന ആവശ്യങ്ങള് മനസ്സിലാക്കി ആസൂത്രണം നടത്തുന്നതിനും അഭിപ്രായങ്ങള് സമാഹരിക്കുകയാണ് പരിപാടിയുടെ ലക്ഷ്യം. ഇതിന്റെ തുടര്ച്ചയായി 2026 ജനുവരി 31 വരെ ഗൃഹ സന്ദര്ശന പരിപാടി നടക്കും.
പരിപാടിയില് നിയോജകമണ്ഡലം റിസോഴ്സ് പേഴ്സണ്സുമാരായ കെ. രാമകൃഷ്ണന്, എ രാജഗോപാലന്, എ. സുധ (അസിസ്റ്റന്റ് എഞ്ചിനീയര്) തീമാറ്റിക് എക്സ്പേര്ട്ടുമാരായ എം. അശ്വതി എന്നിവര് പങ്കെടുത്തു.
