നയ്യൂര് ഗവ. ബോയ്സ് എല്പി സ്കൂള് പുതിയ കെട്ടിടം മന്ത്രി നാടിന് സമര്പ്പിച്ചു
ആനക്കര ഗ്രാമ പഞ്ചായത്തിലെ നയ്യൂര് ഗവ.ബോയ്സ് എല്പി സ്കൂള് പുതിയ കെട്ടിടം തദ്ദേശ സ്വയംഭരണ എക്സൈസ് പാര്ലിമെന്ററി കാര്യ വകുപ്പ് മന്ത്രി എം ബി രാജേഷ് നാടിനു സമര്പ്പിച്ചു. സംസ്ഥാന സര്ക്കാരിന്റെ പ്ലാന് ഫണ്ടില് നിന്നും 90 ലക്ഷം രൂപ വിനിയോഗിച്ചാണ് കെട്ടിടം നിര്മ്മിച്ചത്.
ആനക്കര ഗ്രാമപഞ്ചായത്ത് പ്രസിഡന്റ് അംബിക അധ്യക്ഷയായി. ജില്ലാ പഞ്ചായത്ത് അംഗം പി കെ സുനില്കുമാര്, ബ്ലോക്ക് പഞ്ചായത്ത് അംഗം കെ പി പ്രജീഷ്, ഹെഡ്മാസ്റ്റര് ടി പി ഗോകുല്ദാസ്, തൃത്താല എഇഒ കെ പ്രസാദ്, പി ടി എ പ്രസിഡന്റ് കെ വി അഷറഫ്, സ്റ്റാഫ് സെക്രട്ടറി സന്ധ്യ, പഞ്ചായത്തംഗങ്ങള്, രാഷ്ട്രീയ പാര്ട്ടി പ്രതിനിധികള്, അധ്യാപകര്, വിദ്യാര്ഥികള് തുടങ്ങിയവര് പങ്കെടുത്തു.
