റെയില്വേ ലെവല് ക്രോസുകള് അടച്ചിടും
അറ്റകുറ്റപ്പണികളുടെ ഭാഗമായി പാലക്കാട് ജില്ലയിലെ വിവിധ ഭാഗങ്ങളിലുള്ള റെയില്വേ ലെവല് ക്രോസുകള് വരും ദിവസങ്ങളില് അടച്ചിടുമെന്ന് റെയില്വെ സീനിയര് സെക്ഷന് എഞ്ചിനീയര് അറിയിച്ചു. പട്ടാമ്പി-പള്ളിപ്പുറം സ്റ്റേഷനുകള്ക്കിടയിലെ ലെവല് ക്രോസ് (നം 167) ജനുവരി ഒന്നിന് രാത്രി 9 മണി മുതല് ജനുവരി രണ്ട് രാവിലെ 6 മണി വരെ അടച്ചിടും. പട്ടാമ്പി- പള്ളിപ്പുറം റോഡിലൂടെ പോകുന്ന വാഹനങ്ങള് കൊപ്പം - മുതുതല റോഡിലൂടെ പോകണം. ഷൊര്ണൂര്-വാടാനംകുറിശ്ശി സ്റ്റേഷനുകള്ക്കിടയിലുള്ള ലെവല് ക്രോസ് (നം രണ്ട്) ജനുവരി ഒന്നിന് രാത്രി 9 മണി മുതല് ജനുവരി രണ്ടിന് രാവിലെ 3 മണി വരെ അടച്ചിടും. ഷൊര്ണൂര് - പട്ടാമ്പി റോഡിലൂടെ പോകുന്ന വാഹനങ്ങള് ഷൊര്ണൂര് - കൈലിയാട് - വല്ലപ്പുഴ വഴി പട്ടാമ്പിയിലേക്ക് പോകേണ്ടതാണ്. വല്ലപ്പുഴ-കുലുക്കല്ലൂര് സ്റ്റേഷനുകള്ക്കിടയിലുള്ള ലെവല് ക്രോസ് (നം. നാല്) ജനുവരി രണ്ട് രാത്രി 9 മണി മുതല് ജനുവരി മൂന്ന് രാവിലെ 3 മണി വരെ അടച്ചിടും. പട്ടാമ്പി - ചെര്പ്പുളശ്ശേരി റോഡ് വഴി വരുന്ന വാഹനങ്ങള് പട്ടാമ്പി - യാറം - മുളയങ്കാവ് - ചെര്പ്പുളശ്ശേരി റോഡ് വഴി തിരിഞ്ഞുപോകണം.
