മലപ്പുറം ജില്ലയിലെ 28 തദ്ദേശ സ്ഥാപനങ്ങളുടെ വാര്ഷിക പദ്ധതിക്ക് അംഗീകാരം നല്കി
ജില്ലാ ആസൂത്രണ സമിതി യോഗത്തില് മലപ്പുറം ജില്ലയിലെ ഗ്രാമ, ബ്ലോക്ക്, നഗരസഭ എന്നിവയിലായി 28 തദ്ദേശ സ്ഥാപനങ്ങളുടെ 2026-27 വാര്ഷിക പദ്ധതിയ്ക്ക് അംഗീകാരം നല്കി. 2025-26 സാമ്പത്തിക വര്ഷത്തെ തദ്ദേശ ഭരണ സ്ഥാപനങ്ങളുടെ വാര്ഷിക പദ്ധതി ഫണ്ട് വിനിയോഗത്തില് 53.94 ശതമാനം വാര്ഷിക പദ്ധതി വിഹിതം ചെലവഴിച്ച് മലപ്പുറം ജില്ലാ പഞ്ചായത്ത് സംസ്ഥാന തലത്തില് ഒന്നാം സ്ഥാനത്തെത്തി.
എടപ്പാള്, വെട്ടത്തൂര്, ഊരകം, പറപ്പൂര്, മുതുവല്ലൂര്, ചെറിയമുണ്ടം, പോത്തുകല്, എടക്കര, ചുങ്കത്തറ, തിരുവാലി, പുലാമന്തോള്, ചാലിയാര്, പുറത്തൂര്, എടപ്പാള്, വള്ളിക്കുന്ന്, എടയൂര് എന്നീ പഞ്ചായത്തുകളുടെയും കുറ്റിപ്പുറം, പെരിന്തല്മണ്ണ, കാളികാവ്, താനൂര്, അരീക്കോട്, പെരുമ്പടപ്പ്, പൊന്നാനി എന്നീ ബ്ലോക്ക് പഞ്ചായത്തുകളുടെയും താനൂര്, കൊണ്ടോട്ടി, മഞ്ചേരി, വളാഞ്ചേരി, പൊന്നാനി നഗരസഭകളുടെയും 2026-27 വാര്ഷിക പദ്ധതികള്ക്കാണ് അംഗീകാരം നല്കിയത്.
ഇതോടെ ജില്ലയില് 100 തദ്ദേശ സ്ഥാപനങ്ങളുടെ വാര്ഷിക പദ്ധതികള്ക്ക് അംഗീകാരമായി. ഇനി 22 തദ്ദേശ സ്ഥാപനങ്ങളുടെ വാര്ഷിക പദ്ധതികള്ക്കാണ് അംഗീകാരം ലഭിക്കാനുള്ളത്. യോഗത്തില് ജില്ലാ ആസൂത്രണ സമിതി ചെയര്പേഴ്സണും ജില്ലാ പഞ്ചായത്ത് പ്രസിഡന്റുമായ പി.എ ജബ്ബാര് ഹാജി, ജില്ലാ പ്ലാനിങ് ഓഫീസര് ടി.വി ഷാജു, ഡെപ്യൂട്ടി കളക്ടര് എ.എം പ്രസന്ന(എല് ആര്), തദ്ദേശഭരണ സ്ഥാപന അധ്യക്ഷര്, സെക്രട്ടറിമാര്, ജില്ലാതല ഉദ്യോഗസ്ഥര്, തുടങ്ങിയവര് സംബന്ധിച്ചു.
