റോഡ് നവീകരണം: പട്ടാമ്പിയിൽ ഗതാഗത നിരോധനം
പട്ടാമ്പി നിള ഹോസ്പിറ്റൽ-ഷൊർണൂർ ഐ.പി.ടി റോഡിൽ പുനരുദ്ധാരണ പ്രവൃത്തി തുടരുന്നതിനാൽ വാടാനാംകുർശ്ശി റെയിൽവേ ഗേറ്റ് പരിസരത്തും, മേലെ പട്ടാമ്പി കൽപക മസ്ജിദ് മുതൽ മൈജി ഷോറൂം വരെയുള്ള ഭാഗത്തും ടാറിങ് നടക്കുന്നതിനാൽ ഫെബ്രുവരി 4 ചൊവ്വ പുലർച്ചെ ഒരു മണി മുതൽ ഫെബ്രുവരി 6 വ്യാഴം പകൽ 8 മണി വരെ ഈ റൂട്ടിൽ ഗതാഗതം നിരോധിച്ചു.
പാലക്കാട് ഭാഗത്തു നിന്ന് പട്ടാമ്പിയിലേക്ക് വരുന്ന വാഹനങ്ങൾ വാണിയംകുളത്ത് നിന്നും വലത്തോട്ട് തിരിഞ്ഞ് വല്ലപ്പുഴ വഴി പട്ടാമ്പിയിലേക്കും, തിരിച്ചും പോകേണ്ടതാണ്. പാലക്കാട് ഭാഗത്തുനിന്നും ഗുരുവായൂർ, കുന്നംകുളം ഭാഗത്തേക്ക് പോകുന്ന വാഹനങ്ങൾ കുളപ്പുള്ളി, ചെറുതുരുത്തി, കൂട്ടുപാത വഴിയും, തിരിച്ചും പോകേണ്ടതാണെന്ന് എക്സി. എഞ്ചിനീയർ അറിയിച്ചു.
