ഓപ്പറേഷന് തൂഫാൻ: 41 പേര് കൂടി അറസ്റ്റിൽ
ഓപ്പറേഷന് തൂഫാന്റെ ഭാഗമായി ബുധനാഴ്ച സംസ്ഥാന വ്യാപകമായി കേരളാ പോലീസ് നടത്തിയ പരിശോധനയില് 40 കേസുകളിലായി 41 പേര് കൂടി അറസ്റ്റിലായി. ഇതോടെ ഓപ്പറേഷന് തൂഫാന്റെ ഭാഗമായി എടുത്ത കേസുകളുടെ എണ്ണം 8913 ആയി ഉയര്ന്നു. ആകെ 9612 അറസ്റ്റുകളാണ് ഇതുവരെ നടന്നത്. ഇതുവരെ 7285.880 ഗ്രാം എം.ഡി.എം.എയും 922.391 കി.ഗ്രാം കഞ്ചാവും 25.194 ഗ്രാം കൊക്കെയിനും പിടിച്ചെടുത്തിട്ടുണ്ട്. കഴിഞ്ഞ ദിവസം രജിസ്റ്റര് ചെയ്ത കേസുകളില് സ്മാള് ക്വാണ്ടിറ്റി കൈവശം വച്ചതിന് 12 കേസുകളും മീഡിയം ക്വാണ്ടിറ്റി കൈവശം വച്ചതിന് നാല് കേസുകളും 27 എന്.ഡി.പി.എസ് ആക്ട് പ്രകാരം 24 കേസുകളും കോട്പ പ്രകാരം 25 കേസുകളും രജിസ്റ്റര് ചെയ്തിട്ടുണ്ട്. ഇവരില് നിന്ന് 03.360 ഗ്രാം എം.ഡി.എം.എയും 06.309 കി.ഗ്രാം കഞ്ചാവും 25.194 ഗ്രാം കൊക്കെയിനും പിടിച്ചെടുത്തു. ഓപ്പറേഷന് തൂഫാന്റെ ഭാഗമായി ഇന്നലെ മാത്രം സംസ്ഥാനത്തുടനീളം കേരള പോലീസ് 30 ബോധവത്ക്കരണ ക്ലാസുകള് നടത്തി. ഇതുവരെ നടത്തിയ ആകെ ബോധവത്ക്കരണ ക്ലാസ്സുകളുടെ എണ്ണം 8830 ഉം കൗണ്സിലിങ്ങുകളുടെ എണ്ണം 551 ഉം ആണ്. സ്കൂള്, കോളേജ് പ്രൊട്ടക്ഷന് ഗ്രൂപ്പുകളുടെ നേതൃത്വത്തില് ആകെ 6363 ബോധവത്ക്കരണ പരിപാടികളും നടത്തി.
